სოროსმა ტრამპი მაფიოზური სახელმწიფოს შექმნის მცდელობაში დაადანაშაულა

ამერიკელმა მილიარდერმა და ფილანტროპმა ჯორჯ სოროსმა დავოსის მსოფლიო ეკონომიკური ფორუმის კულუარებში აშშ-ის პრეზიდენტი დონალდ ტრამპი მაფიოზური სახელმწიფოს შექმნის მცდელობაში დაადანაშაულა. ამის შესახებ Associated Press-ი წერს.

ფინანსისტის თქმით, ტრამპი თავისი მიზნის მიღწევას ვერ ახერხებს, რადგან მას ქვეყნის დემოკრატიული ინსტიტუტები ეწინააღმდეგებიან.

სოროსმა  ტრამპის პოლიტიკური მომავლის პროგნოზიც გააკეთა. მან პრეზიდენტს „დროებითი მოვლენა“ უწოდა და 2020 წლის საპრეზიდენტო არჩევნებში დამარცხება უწინასწარმეტყველა.

სოროსი ტრამპის მძაფრი კრიტიკოსია. მან ჰილარი კლინტონის წინასაარჩევნო კამპანიისთვის 6 მლნ დოლარი დახარჯა.