„ევროპული საქართველო“ მიქაელ კადიევისთვის საქართველოში თავშესაფრის მაძიებლის სტატუტის მინიჭებას ითხოვს

„ევროპული საქართველო“ დაღესტნელი საზოგადოებრივი აქტივისტისთვის მიქაელ კადიევისთვის საქართველოში თავშესაფრის მაძიებლის სტატუტის მინიჭებას ითხოვს.  განცხადება ამ მოთხოვნით, პარტიამ ლტოლვილთა და განსახლების სამინისტროში დღეს შეიტანა. 

როგორც ჟურნალისტებს პარტიის წევრმა სერგო რატიანმა განუცხადა,  იმ შემთხვევაში თუ დაღესტნელი სამოქალაქო აქტივისტის საქართველოდან რუსეთში ექსტრადირება მოხდება, მას იქ საფრთხე ემუქრება.

,,კადიევმა ოთხი წლის განმავლობაში მოიგო 3 სასამართლო ინსტანცია საქართველოში. მხოლოდ 2017 წლის შემდეგ სააპელაციო სასამართლომ დააკმაყოფილა სახელმწიფოს ის არგუმენტი, რომელიც ამბობდა, რომ თურმე რუსეთში არ არსებობს პოლიტიკური, რელიგიური ნიშნით დევნა, ასევე არ არსებობს ჩრდილოეთ კავკასიელების დევნა და თითქოს რუსეთის ციხეში ადამიანი იქნება დაცული და მის სიცოცხლეს საფრთხე არ ემუქრება. მიქაელ კადიევის წინააღმდეგ ახლა უკვე იწყება ექსტრადირების პროცესი, ამიტომ ქართულმა საზოგადოებამ ეს უნდა შეაჩეროს, რადგან ქართული სახელმწიფოსთვის ეს იქნება სამარცხვინო ლაქა. შესაბამისად, ჩვენ ვთხოვთ სახალხო დამცველს, რომ დაინტერესდეს ამ პრეცედენტით, დაიცვას მიქაელ კადიევის სიცოცხლის უფლებები და სასამართლოს უფლება“, - განაცხადა სერგო რატიანმა და დასძინა, რომკადიევის რუსეთისთვის გადაცემა რუსეთის პროკურატურის და სახელმწიფოსთვის ნდობის გამოცხადებას ნიშნავს.