ბრიტანეთის გოგონათა სკოლაში მოსწავლეებს გოგონებს აღარ უწოდებენ

ბრიტანეთის ქალაქ მანჩესტერის გოგონათა სკოლაში მასწავლებლებს მოსწავლეებისთვის გოგონების დაძახება აუკრძალეს. სასწავლო დაწესებულების ხელმძღვანელობამ გადაწყვიტა ამის ნაცვალდ გამოიყენოს გენდერულ-ნეიტრალური სიტყვა. ამის შესახებ Daily Mail-ი იუწყება.

სკოლის დირექტორმა სტეფანი ჯილმა მოსწავლეების მშობლებს წერილი მისწერა, სადაც შესაბამისი გადაწყვეტილება განუმარტა.

მისი თქმით, ეს დაეხმარება თავი კომფორტულად იგრძნონ მათ, რომლებიც ვერ გაერკვნენ ბიჭებად ყოფნა სურთ, თუ გოგონებად დარჩენა, ასევე მათ, ვინც შემდეგში სქესის შეცვლის გადაწყვეტილებას მიიღებს.

მოსწავლეების მშობლები სკოლის ხელმძღვანელობის გადაწყვეტილებას სხვადასხვაგვარად შეხვდნენ. ზოგიერთმა მშობელმა აღიარა, რომ ვერ დაიჯერეს ის, რაც დირექტორმა აცნობა.

 „ეს ხომ აბსურდია! ჩვენ ისედაც იმ საუკუნეში ვცხოვრობთ, როდესაც პატივი უნდა ვცეთ ადამიანების განსხვავებულ შეხედულებებს, თუ ეს სქესსა და სექსუალურ ორიენტაციას ეხება, მაშინ ამას გაგებით უნდა მოვეკიდოთ. მაგრამ გოგონები მაინც გოგონებად უნდა დარჩნენ“, - განაცხადეს მშობლებმა.

სკოლაში, რომელიც 1910 წელს დაარსდა, 11-დან 18 წლამდე 1350 გოგონა სწავლობს. როგორც გამოცემა აღნიშნავს, სასწავლო დაწესებულების სახელწოდებიდან სიტყვას „გოგონათა“ არ ამოიღებენ.