მუხიანში სპორტული კომპლექსისთვის 7 მლნ დაიხარჯა და დღეს თავიდან სარეაბილიტაციოა - კახა კალაძე

მუხიანში სპორტული კომპლექსისთვის 7 მილიონი დაიხარჯა და დღეს თავიდან სარეაბილიტაციოა,- ამის შესახებ თბილისის მერმა სპორტული კომპლექსის მონახულებისას განაცხადა.

კახა კალაძემ მოადგილეს, ირაკლი ბენდელიანს დაავალა, დღესვე შეხვდეს კომპანია „საბა კონსტრაქშენის“ ხელმძღვანელობას, რომ ხარვეზები დროულად გამოასწორონ. თბილისის მერის თქმით, არსებული მდგომარეობა უნდა გამოსწორდეს.

„სავარჯიშო კომპლექსის მაიაში გაიხსნა, 7 მლნ ლარი დაიხარჯა პროექტის განხორციელებისთვის და ეს არის ნათელი მაგალითი, როგორ არ უნდა გააკეთო. ძალიან მძიმე მდგომარეობაა გასახდელებში, კორიდორებში, ერთი სავარჯიშო მოედანი ძალიან მძიმე მდგომარეობაშია და კატეგორიულად მიუღებელია იქ ბავშვების და ნებისმიერი თაობის ადამიანის ვარჯიში.

დავავალე, რომ დღესვე შეხვდნენ კომპანიას, ვინც განახორციელა სამუშაოები, რომ 7 მლნ დაიხარჯა პროექტის განხორციელებაში და ის, რომ ასეთ მდგომარეობაშია კომპლექსი, კატეგორიულად მიუღებელია. ჩვენ ამას არ დაუშვებთ, ჩვენ ვართ ორიენტირებული ხარისხზე და აქ უნდა გაიზარდონ ჩვენი შვილები, მომავალი თაობა და შესაბამისად, ხარისხი უნდა იყოს მაქსიმალურად გათვალისწინებული. კატეგორიულად მიუღებელია ის, რაც აქ ხდება, რადგანაც ჩვენ ვართ ხარისხზე ორიენტირებული და ჰარი ჰარალეზე და თვალი დავხუჭოთ რაღაცებზე, ეს არ და ვერ მიხდება“, – განაცხადა კახა კალაძემ.