ხმაურია თავდაცვის სამინისტროსთან - აქციის მონაწილეები თინათინ ხიდაშელის გადაყენებას ითხოვენ

„თავისუფალი თაობისა“ და „საქართველოს ეროვნული ახალგაზრდული მოძრაობის“ ორგანიზებით, ამ წუთებში თავდაცვის სამინისტროსთან აქცია მიმდინარეობს. მოქალაქეები, მინისტრ ხიდაშელის გადადგომას ითხოვენ. ისინი ასევე მოითხოვენ, რომ ქართული ოცნებიდან რესპუბლიკური პარტიის გარიცხვა მოხდეს. აქციის მონაწილეებსა და საპატრულო პოლიციის თანამშრომლებს შორის მცირე ინციდენტიც მოხდა. სამართალდამცავებმა მოქალაქეებს სამინისტროს შენობასთან ახლოს დადგომის საშუალება არ მისცეს. 

აქციის მონაწილეებმა ქუჩაზე წარწერებიც გააკეთეს, თუმცა საპატრულო პოლიციის თანამშრომლებმა, აღნიშნული ქმედების გამო არცერთი მათგანი არ დაუკავებია.