ქალმა 24 წლის წინ ჩასახული ბავშვი გააჩინა

საქართველო, თბილისი - 15:21 | 20.12.2017

ნანახია: 1258

ამერიკის ტენესის შტატში ქალმა გოგონა გააჩინა, რომელიც 24 წლის წინ სინჯარაში იყო ჩასახული. ამის შესახებ CNN-ი იტყობინება.
წინა რეკორდი 2010 წელს დამყარდა, როდესაც წყვილს 20 წლით ადრე ჩასახული ბავშვი შეეძინა.

ტელეარხის ცნობით, ტინა და ბენჯამინ გიბსონების ჯანმრთელი გოგონა, რომელსაც ემა დაარქვეს, 2017 წლის 25 ნოემბერს დაიბადა. ემბრიონი, რომელიც სპეციალური პროცედურის დახმარებით ქალის საშვილოსნოში გადანერგეს, 1992 წლის 14 ოქტომბერს გაყინეს.

გოგონას მშობლებს ძალიან გაუკვირდათ, როდესაც ექიმმა მის საშვილოსნოშო გადასანერგი ემბრიონის ზუსტი ასაკი აცნობა. ოპერაციის მომენეტში ტინა გიბსონი 25 წლის იყო. ასე რომ ფორმალურად ის თავის ქალიშვილზე ერთი წლით უფროსია.

წყვილი ასეთ პროცედურაზე ბენჯამინის უნაყოფობის გამო დათანხმდა.

ტინამ, რომელიც უკვე 26 წლისაა, ტელეარხს განუცხადა, რომ მას შვილი ძალიან უნდოდა. „ამიტომ ჩემთვის სულერთია, ეს მსოფლიო რეკორდია თუ არა“,- აღნიშნა მან.