მძარცველებმა მაღაზიიდან 184 ათასი დოლარის ღირებულების 15 ჩანთა მოიპარეს

საქართველო, თბილისი - 11:00 | 04.12.2017

ნანახია: 2164

სამმა უცნობმა პირმა ჰონკონგის ცენტრში მდებარე მაღაზიიდან 14 ბრენდ Hermes-ისა და ერთი Yves Saint Laurent-ის ჩანთა მოიპარა. მათი საერთო ღირებულება 184 ათას დოლარს შეადგენდა.
პოლიციის ცნობით, მძარცველებმა გვიან ღამით ჩაამტვრიეს მაღაზიის ვიტრინა. სავაჭრო ცენტრის დაცვის სამსახურის თანამშრომლებმა ჩამტვრეული ვიტრინა გაძარცვიდან ერთი საათის შემდეგ აღმოაჩინეს და პოლიცია გამოიძახეს.

დამნაშავეები სათვალთვალო კამერებმა დააფიქსირეს, თუმცა მათი ვინაობის დადგენა ჯერ ვერ მოხერხდა, მძარცველებს სახეები ნიღბებით ჰქონდათ დაფარული.