მადაგასკარზე შავი ჭირი მძვინვარებს

მადაგასკარში შავ ჭირს 90-ზე მეტი ადამიანი ემსხვერპლა. ამის შესახებ ინფორმაციას ჯანდაცვის მსოფლიო ორგანიზაცია აცხადებს.
ორგანიზაციის მონაცემებით, 1 აგვისტოდან 20 ოქტომბრამდე მადაგასკარზე შავი ჭირის 1153 შემთხვევა დარეგისტრირდა. დაავადებისგან 94 ადამიანი გარდაიცვალა.

დაავადებულთა 70 პროცენტს ავადმყოფობა ერთმანეთისგან გადაედოთ. კუნძულზე შავი ჭირი 114-დან 37 რეგიონში გავრცელდა.

ჯანდაცვის მსოფლიო ორგანიზაციამ მადაგასკარზე უკვე ჩაიტანა 1,2 მლნ ანტიბიოტიკის დოზა და დაზარალებულების სამკურნალოდ 1,5 მლნ დოლარი გამოყო.

ორგანიზაციაში აღნიშნავენ, რომ მსოფლიოში შავი ჭირის გავრცელების რისკი დაბალია.

ამიტომ მადაგასკართან მიმოსვლისა და ვაჭრობის შეზღუდვის აუცილებლობა არ არსებობს, თუმცა ორგანიზაციაში აცხადებენ, რომ მოგზაურების შავი ჭირის შესახებ ინფორმირება აუცილებელია.