სააკაშვილი უნდა ჩამოყალიბდეს რა უნდა და როდის არის გულწრფელი - გიგი უგულავა

,,ევროპული საქართველოს" ერთ-ერთი ლიდერი გიგი უგულავა მიხეილ სააკაშვილსა ურჩევს ჩამოყალიბდეს, როდის არის გულწრფელი: როცა ამბობს, რომ უკრაინელი პოლიტიკოსია თუ მაშინ, როცა ამბობს რომ ქართველი პოლიტიკოსია.

,,ნაციონალური მოძრაობა'' და მიხეილ სააკაშვილი უნდა ჩამოყალიბდნენ საერთოდ რა უნდათ, მიშა უკრაინაშია, საქართველოშია ? როდის არის გულწრფელი, როცა იძახის უკრაინელი პოლიტიკოსი ვარო თუ მაშინ, როცა ამბობს ქართველი პოლიტიკოსი ვარო?! წინასაარჩევნოდ ამ ყველაფრის გაღვივება არის ბიძინა ივანიშვილის წისქვილზე წყლის დასხმა და ,,ქართული ოცნებისთვის" ფორის მიცემა. ამ თამაშში ჩვენ შესვლას არ ვაპირებთ, ჩვენ გვაქვს ჩვენი გეგმა და ,,ევროპული საქართველოს" დღის წესრიგში ოპოზიციასთან დავა არ შედის,"-განაცხადა უგულავამ.

მანამდე, გიგი უგულავა მიხეილ სააკაშვილი გააკრიტიკა და განაცხადა, რომ სააკაშვილი ოპოზიციური პარტიის კრიტიკით "ივანიშვილის თამაშს თამაშობს", - ამის შესახებ მან Facebook-ზე დაწერა.