მსოფლიოში ყველაზე ჭარბწონიანი ქალი მრავალრიცხოვანი ოპერაციის შემდეგ გარდაიცვალა

მსოფლიოში ყველაზე ჭარბწონიანი ქალი ეგვიპტელი იმან აჰმედ აბდულათი არაბეთის გაერთიანებული საემიროების დედაქალაქ აბუ-დაბიში მრავალრიცხოვანი ოპერაციების შემდეგ გარდაიცვალა.
აბდულათიმ, რომელიც თავიდან 500 კგ-ს იწონიდა მუმბაის საავადმყოფოში მკურნალობის შედეგად 200 კგ დაკარგა, მაგრამ ამის მიუხედავად, მისმა დამ ექიმებს უნდობლობა გამოუცხადა და შემდგომი მკურნალობისთვის აბდულათი აბუ-დაბიში ბურჯილის საავადმყოფოში ჩაიყვანა.

კლინიკის ხელმძღვანელობის განცხადებით, აბდულათი თირკმელების უკმარისობით გარდაიცვალა. ის 20 ექიმისგან შემდგარი გუნდის მეთვალყურეობის ქვეშ იმყოფებოდა.

აბდულათის ტრაგიკული ისტორიის შესახებ ცნობილი ერთი წლის წინ გახდა. 36 წლის ქალის მდგომარეობას ექიმები „სპილოს დაავადებას“ უწოდებდნენ.

ქალმა ინსულტი გადაიტანა და საწოლს მიეჯაჭვა. ბურჯილის ჰოსპიტალი არაბეთის აგერთიანებულ საემიროებში საუკეტესოდ არის აღიარებული.