McDonald's-ის მოლარემ ბავშვი სამსახურში გააჩინა და უნიტაზში მისი დახრჩობა სცადა

საქართველო, თბილისი - 16:27 | 18.09.2017

ნანახია: 1741

25 წლის სარა ჯეინ ლოკნერი ამერიკის ქალაქ რედვუდ-სიტიში McDonald's-ის რესტორანში მოლარედ მუშაობდა.

ის ღამის ცვლაში სამსახურში მივიდა, მაგრამ თავს ძალიან ცუდად გრძნობდა. გოგონა მუცლის არეში გამუდმებულ ტკივილს უჩიოდა.

სარა საპირფარეშოს ხშირ-ხშირად აკითხავდა, სადაც დიდი ხნის განმავლობაში რჩებოდა.

როდესაც რესტორნის ერთ-ერთი თანამშრომელი საპირფარეშოსკენ გაემართა, რათა სარას დაგვიანების მიზეზი გაერკვია, მან იატაკზე სისხლი აღმოაჩინა.

თანამშრომელმა ტუალეტი კარგად დაათვალიერა და უნიტაზში ახალშობილი დაინახა, რომელიც მთლიანად წყლით იყო დაფარული.

ლოკნერმა თანამშრომლებს სთხოა პოლიციისთვის არ შეეტყობინებინათ, რადგან მისი თქმით, ორსულობის შესახებ არაფერი იცოდა.

როდესაც პოლიცია ადგილზე მივიდა, ბავშვი არ სუნთქვდა და პულსი არ ესინჯებოდა. პოლიციელებმა ახალშობილის გონზე მოყვანა შეძლეს და საავადმყოფოში გადაიყვანეს. ამჟამად მისი ჯანმრთელობის მდგომარეობა სტაბილურია.

ამ მომენტისთვის ლოკნერს ბავშვის მიმართ სასტიკ მოპყრობაში ადანაშაულებენ. ის დააპატიმრეს და 11 მლნ დოლარის მოცულობის გირაო დააკისრეს.