ამაზე თანხები მეყოფა - ჟურნალისტები დაინტერესდნენ, როგორ იხდის სასტუმროს ღირებულებას სააკაშვილი

მიხეილ სააკაშვილმა ჟურნალისტების კითხვებს უპასუხა. სააკაშვილმა განაცხადა, რომ მისი, როგორც ტელე წამყვანის ყოველთვიური ანაზღაურება დაახლოებით 50 ათასი ლირა და ასევე აქვს ანგარიში, რომელიც დაუხურეს. 

სააკაშვილის თქმით, მისი შემოსავალი საკმარისია იმისთვის, რომ შემოიაროს უკრაინის რეგიონები, ასევე ჩავიდეს კიევში და სასამართლოს გზით იბრძოლოს მოქალაქეობის დასაბრუნებლად. 

,,ძალიან მომწონს ლვოვის ცენტრში ცხოვრება, მაგრამ სამწუხაროდ, ეს არ გამოდის, ჩემი ხელფასი, რომელსაც ვიღებდი როგორც წამყვანი, იყო 40-50 ათასი ლირა. ეს კარგი ანაზღაურებაა. ასევე მაქვს ანაზღაურება, რომლითაც არ შემიძლია ვისარგებლო, რადგან დამიხურეს ანგარიში, დოკუმენტები აქ არ მაქვს. როდესაც აქ ჩამოვედი, მზად იყო ნომრები და როდესაც გავემგზავრები ეს მოხდება დღეს ან ხვალ, მე ვაპირებ უკრაინის ტერიტორიაზე გავლას. მე გამოვაცხადებ ტურნეს უკრაინაში, მოვივლი ყველა ქალაქს, წავალ ხარკოვში, ოდესაში, შემდეგ გავემგზავრები კიევში, იმისთვის, რომ შეწყვიტონ ეს ისტორია, მოდიან აქ და ხელს მიშლიან გეგმების განხორციელებაში.

"ნუ ნერვიულობთ, ამაზე თანხები მეყოფა. უკრაინის ტერიტორიაზე ვიმოგზაურებ, გზად შევივლი სასამართლოში რომ დავიცვა ჩემი უფლებები. თუკი ეს არის თქვენთვის მთავარი კითხვა, როგორ ვიხდი ნომრის ღირებულებას, ვფიქრობ, რომ ამაზე მნიშვნელოვანი კითხვები არსებობს," - განაცხადა მიხეილ სააკაშვილმა.