გიორგი კვირიკაშვილი ანა ბირჩალს შეხვდა

დღეს, საქართველოს საგარეო საქმეთა მინისტრი გიორგი კვირიკაშვილი, რუმინეთის პარლამენტის დეპუტატთა პალატის ევროპულ საქმეთა კომიტეტის ხელმძღვანელს ანა ბირჩალს შეხვდა. ქ-ნი ბირჩალი თბილისს ეწვია საერთაშორისო კონფერენციაში „გენდერული თანასწორობისკენ - გამოწვევები და შესაძლებლობები ევროპული სამეზობლო პოლიტიკისრეგიონში“ მონაწილეობის მიზნით.

ორმხრივ შეხვედრაზე მხარეებმა  განიხილეს საქართველოსა და რუმინეთს შორის   ურთიერთობების განვითარების პერსპექტივები,საქართველოს ევროპულ და ევროატლანტიკურ სტრუქტურებში ინტეგრაციის  მნიშვნელობა და რეგიონალური უსაფრთხოების საკითხები. განსაკუთრებული ყურადღება დაეთმო  ენერგეტიკულ და სატრანსპორტო პროექტების განხორციელებას, ამ კონტექსტში ხაზი გაესვა შავი ზღვის რეგიონის მნიშვნელობას.

რუმინეთის მხარემ კიდევ ერთხელ დაადასტურა მხარდაჭერა, როგორც საქართველოს სუვერენიტეტისა და ტერიტორიული მთლიანობის,ასევე ევროპულ და ევროატლანტიკურ სტრუქტურებში შემდგომი ინტეგრაციის მიმართ.