ეკლესიას უდიდესი ძალა გააჩნია და ამ ძალის გამოყენებით მოახერხა ჩვენმა ხალხმა გადარჩენა - პრემიერი

პრემიერ-მინისტრმა გიორგი კვირიკაშვილმა ყაზბეგში სასტუმრო „სნოს“ გახსნის ცერემონიში მიიღო მონაწილეობა და შეკრებილებს სიტყვით მიმართა.

„ეკლესიას უდიდესი ძალა გააჩნია და ამ ძალის გამოყენებით მოახერხა ჩვენმა ხალხმა გადარჩენა და იმ იდენტობის შენარჩუნება, რომელიც გაგვაჩნია. ჩვენი ერისთვის რწმენას განსაკუთრებული მნიშვნელობა აქვს  და მას მხოლოდ რელიგიური დანიშნულება არ გააჩნია. ეკლესია და სახელმწიფო ისეა გადაწნული ერთმანეთში, როგორც წმინდა ნინოს ჯვარი მისი ნაწნავით. სეკულარიზმი უადგილოა, რადგაც ჩვენი სახელმწიფო და რელიგია დამოუკიდებელია. ამ მოდელის განმტკიცებისთვის მადლობა მინდა გადავუხადო პატრიარქს“, - აღნიშნა პრემიერმა.

გიორგი კვირიკაშვილმა პატრიარქის ცხოვრებას და მოღვაწეობას შესახებ გამოცენულ წიგნზეც ისაუბრა, რომლის პრეზენტაცია დღეს სასტუმრო „სნოში“ შედგა.

სნოში, მრევლის შემოწირულობით, 34-ნომრიანი სასტუმრო გაიხსნა. სასტუმრო პილიგრიმებს მოემსახურება და შემოსული თანხა ადგილობრივებს მოხმარდებათ.