რუსეთის პროვოკაციული ნაბიჯები რეგიონის დესტაბილიზაციისკენ არის მიმართული - სოფიო ქაცარავა

საგარეო ურთიერთობათა კომიტეტის თავმჯდომარის, სოფიო ქაცარავას განცხადებით, რუსეთის პროვოკაციული ნაბიჯები მთელი რეგიონის დესტაბილიზაციისაკენ არის მიმართული.

მისივე თქმით, აღნიშნული საკითხის შესახებ საერთაშორის თანამეგობრობის ინფორმირება საქართველოს ყველა შესაბამისი უწყებების ჩართულობით მოხდა.

“იმ ფონზე, როდესაც საერთაშორისო თანამეგობრობის დღის წესრიგში ყოველდღიურად უფრო და უფრო აქტუალური ხდება საქართველოს ოკუპირებული რეგიონების საკითხი, რუსეთი ამის საპასუხოდ დგამს მორიგ პროვოკაციულ ნაბიჯების. მათი ეს ქმედებები მიმართულია საქართველოს სუვერენიტეტისა და ტერიტორიული მთლიანობის ხელყოფის და მთელ რეგიონში დესტაბილიზაციის ხელშეწყობისკენ. საქართველოს ყველა შესაბამისი უწყებების ჩართულობით, ამ და სხვა ანალოგიურ ფაქტებთან დაკავშირებით, უკვე მოხდა საერთაშორისო თანამეგობრობის ინფორმირება. ყველა ამ საკითხს ჩვენ განვიხილავთ არსებულ საერთაშორისო ფორმატებში", -განაცხადა ქაცარავამ.