ყოფილი ბანკირი გარდაცვლილი იპოვეს

ბანკ Caja Madrid-ის ყოფილი პრეზიდენტის მიგელ ბლესaს ცხედარი კორდობასთან ერთ-ერთ ფერმაში აღმოაჩინეს. მას მკერდის არეში ცეცხლსასროლი ჭრილობა ჰქონდა მიყენებული. ამის შესახებ გაზეთი El País-ი წერს.

პოლიციის წყაროს თანახმად, ბლესა მეგობრებთან ერთად პუერტო დელ ტოროს ფერმაში იმყოფებოდა, სადაც ის ყოველთვის ნადირობდა. წინასწარი ვერსიით, საუბარია თვითმკვლელობაზე.

ბანკის ყოფილ მმართველს 6-თვიანი პატიმრობა ჰქონდა მისჯილი, თუმცა განაჩენი გაასაჩივრა და სასამართლოს საბოლოო გადაწყვეტილებამდე გათავისუფლდა.

23 თებერვალს სასამართლომ მიგელ ბლესას 6-თვიანი, მის მემკვიდრეს, სავალუტო ფონდის ყოფილ დირექტორს, ესპანეთის ეკონომიკის ექს-მინისტრს როდრიგო რატოს 4,5-წლიანი,  Caja Madrid-ის ყოფილ ფინანსურ დირექტორს ილდეფონსო სანჩეს ბარკოხს კი 2,5 წლით პატიმრობა ფინანსური მაქინაციებისთვის მიუსაჯა.