გვატყუებენ, ვერ ვახერხებთ პატრიარქთან შეხვედრას

გვატყუებენ, ვერ ვახერხებთ პატრიარქთან შეხვედრას - დეკანოზ მამალაძის ძმა

საქართველო, თბილისი - 12:53 | 18.06.2017

ნანახია: 1145

დეკანოზ გიორგი მამალაძის ძმის განცხადებით, დაკავებულის ოჯახი თანახმაა პატრიარქს ადვოკატების გარეშე შეხვდეს.

მისივე თქმით, შეხვედრის მიზანია, უწმინდესმა დეტალები იცოდეს და საკუთარი პოზიცია კიდევ ერთხელ დააფიქსიროს.

"თანახმა ვართ, პატრიარქს ადვოკატების გარეშე შევხვდეთ. რადგან ადვოკატებთან ერთად შეხვედრას ვითხოვდით, ეგონათ, ადვოკატების გარეშე შეხვედრაზე უარს ვიტყოდით. როდესაც ადვოკატების გარეშე შეხვედრას დავთანხმდით, იმის მერე გვეუბნებიან, რომ პატრიარქი ხან თბილისშია, ხან ბობოყვათშია, ხან შეუძლოდაა. გვატყუებენ. ოჯახის წევრები ვერ ვახერხებთ შეხვედრას. შეხვედრა გათავისუფლების ან შეწყალების თხოვნის მიზნით არ გვინდა. გვინდა, უწმინდესმა დეტალები იცოდეს და საკუთარი პოზიცია კიდევ ერთხელ დააფიქსიროს. ადვოკატებთან პირველ შეხვედრაზე განაცხადა, რომ დეკანოზს ენდობოდა. ილია მეორესთან ერთ-ერთმა მამაომ გვიშუამდგომლა", - განმარტა თორნიკე მამალაძემ.

დეკანოზს საქმის განხილვა თბილისის საქალაქო სასამართლოში 23 ივნისს განახლდება.