“გირჩის“ რელიგიური ორგანიზაციის წევრები სავალდებულო სამხედრო სამსახურს თავს ვერ აარიდებენ

“გირჩის“რელიგიური ორგანიზაციის წევრები სავალდებულო სამხედრო სამსახურს თავს ვერ აარიდებენ.  სამხედრო-სავალდებულო სამსახურში გაწვევისგან თავის არიდებასთან დაკავშირებით საკანონმდებლო ცვლილებებზე  პარლამენტის თავდაცვისა და უშიშროების კომიტეტი მუშაობს. კომიტეტის დღევანდელ სხდომაზე ყურადღება ორგანიზაცია “გირჩის“ მიერ რეგისტრირებული რელიგიური ორგანიზაციაზეც გამახვილდა.

“შეიქმნა ხელოვნული ინსტრუმენტი კონსტიტუციური ვალებულებისაგან თავის არიდებისთვის. ეს არის ხელოვნურად შექმნილი. არის მცდელობა იმისა, კანონის გარკვეული მუხლი გამოყენებულ იქნას კონსტიტუციური ვალდებულების საწინააღმდეგოდ. ამიტომ გავაკეთე პატარა სამუშაო ჯგუფი. არის რამდენიმე საშუალება, რომ კანონში მოხდეს მკაფიო განმარტება. ვმუშაობთ ამ საკითხზე“, - განაცხადა კომიტეტის თავმჯდომარემ ირაკლი სესიაშვილმა კანონში მოსალოდნელი ცვლილებების შესახებ და კომიტეტის წევრებს სამუშაო ჯგუფის მუშაობაში ჩართვისკენ მოუწოდა. 

შეგახსენებთ, “გირჩის“რელიგიური ორგანიზაციის შექმნის მიზანს ახალგაზრდების მღვდელმსახურებად კურთხევა და ამ გზით სავალდებულო სამხედრო სამსახურის გადავადებაში დახმარება წარმოადგენს.