ეროვნულ ბიბლიოთეკაში ვაჟა-ფშაველას მუზეუმ-სამკითხველო გაისხნება

ეროვნულ ბიბლიოთეკაში მალე ვაჟა-ფშაველას მუზეუმ-სამკითხველო გაისხნება. ამის შესახებ ბიბლიოთეკის დირექტორი გიორგი კეკელიძე სოციალურ ქსელში წერს. როგორც კეკელიძე აღნიშნავს, მუზეუმ-სამკითხველი მოიცავს სამკითხველო დარბაზს, მუზეუმს, სტუდენტურ ინოვაციურ სივრცესა და განახლებულ რეგისტრატურას. ”დილაადრიან მინდა უმაგრესი ამბავი გამცნოთ, ჩემი ოცნების საქმეს ვიწყებთ. დავასრულეთ კიდევ ერთი მასშტაბური მოლაპარაკება კერძო ბიზნესთან და საქართველოს მალე ვაჟა-ფშაველას მუზეუმ-სამკითხველო ექნება, რომელიც მოიცავს: სამკითხველო დარბაზს, მუზეუმს, სტუდენტურ ინოვაციურ სივრცესა და განახლებულ რეგისტრატურას. ხვალ დილით გამოფორმდება შესაბამისი მემორანდუმი”, - წერს კეკელიძე.

პროექტს კომპანია m2 დააფინანსებს და ის უკვე  მეოცე კერძო კომპანიაა, რომელიც ეროვნულ ბიბლიოთეკას დაეხმარება.

”მოკლედ, მალე წიგნის და ქართული ანბან-შრიფტის მუზეუმების (მალე გავხსნით) გვერდით კიდევ ერთი უმნიშვნელოვანესი კომპლექსი გვექნება. ჩვენი მიზანი ევროპაში ერთ-ერთი საუკეთესო ბიბლიოთეკის შექმნაა. ამ ბიბლიოთეკაში ვაჟას უმთავრეს ადგილთაგანი უნდა ჰქონდეს”, -წერს ეროვნული ბიბლიოთეკის დირექტორი.