დღეიდან აღდგომის მარხვა დაიწყო

დღეს, 27 თებერვალს, დიდი მარხვა დაიწყო. დიდმარხვა აღდგომიდან 7 კვირით ადრე იწყება და სხვა მარხვებთან შედარებით განსაკუთრებით მძიმეა. მარხვა 16 აპრილს მაცხოვრის ბრწყინვალე აღდგომის დღესასწაულით დასრულდება.

თევზით ხსნილია მხოლოდ ხარებისა და ბზობის დღესასწაულები. დიდმარხვის პირველი ოთხი დღის განმავლობაში ანდრია კრეტელის სინანულის კანონი იკითხება.

დიდი მარხვის დროს ორი უდიდესი დღესასწაული - ხარება და ბზობა აღინიშნება.

მართმადიდებელი ეკლესია დიდი მარხვის პერიოდში, ორმოცი დღის განმავლობაში მიცვალებულებს იხსენიებს.
გარდა ამისა, ყოველდღიურად, პარასკევს საღამოდან კვირა დილის ჩათვლით პერიოდის გარდა, წმიდა ეფრემ ასურის ლოცვა იკითხება.