„ხომ არ ფიქრობთ, რომ აჩქარდით" - დედა სიდონიას ემუქრებიან

დედა სიდონია, რომელმაც გადაცემა "არჩვანში" საპატრიარქოში არსებულ მძიმე ვითარებაზე ღიად ისაუბრა დღეს აცხადებს, რომ მისი მისამართით მუქარას აქვს ადგილი.

დედა სიდონიას განცხადებით, ასეთი მუქარის შემცველი წერილები ”რუსთავი 2“-ის ეთერში სამშაბათს გაკეთებული განცხადებების შემდეგ მიუვიდა.

დედა სიდონია აპირებს სამართალდამცველ ორგანოებსაც მიმართოს. მან სატელეფონო ჩართვისას მისთვის გაგზავნილი წერილის შინაარსიც წაიკითხა:

„ხომ არ ფიქრობთ, რომ აჩქარდით, ნამდვილად არასასიამოვნო და არადამაჯერებელი განცხადებები გააკეთეთ და სად? რუსთავი 2-ის ეთერში. ტელევიზია, რომელიც ... და აქ არის ”რუსთავი 2“-ის შესახებ ლანძღვა. შეგახსენებთ, რომ ქვეყანა ინგრევა და სიდონიას არ მოსწონს ხელისუფალნი, აუცილებლად გინახულებთ და ამიხსნით ყველაფერს რა, რატომ? დღეს ეკლესიაში ყველა თქვენზე საუბრობდა, რომ არ უნდა განსაჯო და პირიქით, რომ ვაი, უბედურო საქართველო, საით მიდიხარ. პატრიარქის სიყვარულის გამო რომ დღესვე ვერ მოგინახულებთ, ტელეფონზე მიპასუხებთ იმედია ახლო მომავალში”, - ნათქვამია წერილში.

მისი თქმით, რომ არა მამა გიორგის გაურკვეველ ვითარებაში დაკავება მსგავს განცხადებას არ გააკეთებდა.