ახალი ზელანდიის სანაპიროზე 400-ზე მეტი დელფინი და ვეშაპი გამოირიყა

საქართველო, თბილისი - 11:40 | 10.02.2017

ნანახია: 2571

ახალი ზელანდიის სანაპიროზე 400-ზე მეტი შავი დელფინი გამოირიყა. ასობით ცხოველი მოხალისეების მისვლადმე დაიღუპა. ეს ქვეყანაში ზღვის ძუძუმწოვრების ერთ-ერთი ყველაზე მასობრივი ვითმკვლელობის შემთხვევაა.

გარემოს დაცვის დეპარტამენტის განცხადებით, ახალი ზელანდიის სამხრეთით კუნძულ გოლდენ-ბეის სანაპიროზე 416-მა დელფინმა გამოცურა.

როგორც უწყებაში განაცხადეს, გამორიყულ ძუძუმწოვართა 70 პროცენტი დაიღუპა.

დეპარტამენტის თავმჯდომარის თქმით, გადარჩენილი ცხოველების უმეტესობა ზღვაში დააბრუნეს. იმისათვის, რომ დელფინები ნაპირზე ისევ არ გამოსულიყვნენ, ადგილობრივმა მცხოვრებლებმა სანაპიროზე ცოცხალი ჯაჭვი გააბეს.

დელფინებისა და ვეშაპების მასობრივი თვითმკვლელობა საკმაოდ ხშირად ხდება. მათი ზღვაში დაბრუნება კი დიდ სირთულეებს უკავშირდება, ამიტომ უმეტესობის გადარჩენა ვერ ხერხდება.

თუ რა აიძულებს ვეშაპებს თვითმკვლელობისკენ, მეცნიერებს ერთმნიშვნელოვანი პასუხი არ გააჩნიათ. ყველაზე პოპულარული თეორიის თანახმად ერთ ან რამდენიმე ძუძომწოვარს ხიფათი ატყდება თავს, რის შემდეგაც მის დასახმარებლად სხვა ვეშაპებიც მიემართებიან. თუ ავადმყოფი ზღვის ცხოველი თხელ წყლებში აღმოჩნდება, დანარჩენებიც მას მიყვებიან.