ხელვაჩაურში ნანგრევებიდან 19 წლის მამაკაცი ამოიყვანეს

საქართველო, თბილისი - 13:06 | 02.02.2017

ნანახია: 1408

ხელვაჩაურის მუნიციპალიტეტში, სოფელ ზედა განთიადში გორგაძეების სახლის ნანგრევებიდან 19 წლის ლადო გორგაძე ამოიყვანეს. მაშველები მას 4 საათის განმავლობაში ეძებდნენ.

სახლი დიდთოვლობის გამო დღეს, დილის საათებში დაინგრა.

შეგახსენებთ, რომ ნანგრევებიდან უკვე ამოყვანილია 5 სულიანი ოჯახის 3 წევრი. გადარჩენილებს შორისაა ორსული ქალბატონი, რომელიც სასწრაფო დახმარების ბრიგადამ დედათა და ჩვილ ბავშვთა სახლში გადაიყვანა. ექიმების მეთვალყურეობის ქვეშ იმყოფებიან ოჯახის სხვა წევრებიც.

ოჯახის ერთ-ერთი წევრი, 60 წლის თამაზ გორგაძე კი გარდაცვლილი იპოვეს.