პატრიარქის ჯანმრთელობის მდგომარეობა გაუარესდა - ილია მეორე გერმანიაში გაემგზავრა

საქართველოს კათალიკოს პატრიარქი ილია მეორე ჯანმრთელობის გაუარესების გამო გერმანიაში გაემგზავრა. 

საპატრიარქოს ჯანმრთელობის დაცვის დეპარტამენტის თავმჯდომარის მოადგილე ცისანა შარტავა აცხადებს, რომ გერმანიაში უწმინდესის გამგზავრება ისედაც დაგეგმილი იყო, თუმცა სამი დღის წინ „ჯანმრთელობასთან დაკავშირებით გამოვლენილმა ეპიზოდმა“ გადაწყვეტილების მიღება დააჩქარა. არ არის გამორიცხული გერმანიაში პატრიარქს ქირურგიული ჩარევაც დასჭირდეს. 

მისივე ინფორმაციით, პატრიარქის ბერლინში დაყოვნების დრო დამოკიდებულია იმაზე, თუ რა სახის ჩარევა დასჭირდება უწმინდესს.

პატრიარქი გერმანიაში სპეციალური რეისით გაფრინდა.