ირმა ინაშვილი საქართველოში საბერძნეთის რესპუბლიკის საქმეთა რწმუნებულს შეხვდა

საქართველოს პარლამენტის თავმჯდომარის მოადგილე ირმა ინაშვილი საქართველოში საბერძნეთის რესპუბლიკის საქმეთა რწმუნებულს, ნიკოლაოს პიპერიღოსს შეხვდა. 

გაცნობითი ხასიათის შეხვედრაზე მხარეებმა საქართველოსა და საბერძნეთს შორის ორმხრივი ურთიერთობისა და საპარლამენტო თანამშრომლობის საკითხები განიხილეს.

როგორც შეხვედრაზე აღინიშნა, საბერძნეთი არის მეგობარი ქვეყანა, რომელიც საქართველოს გვერდით იდგა მრავალი საუკუნის მანძილზე და ორი ქვეყნის კულტურებს შორის ურთიერთობაძალიან მჭიდროა.

„შევთანხმდით, რომ საბერძნეთის საკანონმდებლო ორგანოსთან გაღრმავდება თანამშრომლობა და ჩვენი ტიპის კონსერვატიულ პარტიასთან იქნება მჭიდრო დიალოგი. ვგეგმავთ, რომკონკრეტული შეხვედრები გაიმართოს თბილისში. მოვიწვიოთ ბერძენი პარლამენტარები, განსაკუთრებით, მანდილოსანი პოლიტიკოსები, რომლებიც საბერძნეთის პარლამენტში არიანწარმოდგენილი", - განაცხადა ირმა ინაშვილმა.

შეხვედრაზე საუბარი საერთაშორისო პოლიტიკურ მოვლენებს და რეგიონში მიმდინარე პროცესებსაც შეეხო.

მხარეები მომავალში აქტიური თანამშრომლობის გაგრძელებასა და გაღრმავებაზე შეთანხმდნენ.