საჯარო დისკუსია: „ღირსება და სტიგმა ფსიქიკური ჯანმრთელობის სფეროში“

ყოველი წლის ოქტომბერში, ჯანდაცვის მსოფლიო ორგანიზაციას განსახილველად გამოაქვს ფსიქიატრიული სფეროს ყველაზე აქტუალური თემა. 2015 წლის თემაა „ღირსება და ფსიქიკური ჯანმრთელობა", რაც გულისხმობს ბენეფიციარებისა და დარგის სპეციალისტების ღირსებისა და უფლებების დაცვას.

ამ გზავნილის საპასუხოდ, დღეს. 21 ოქტომბერს, გაიმართება საჯარო დისკუსია - „ღირსება და სტიგმა ფსიქიკური ჯანმრთელობის სფეროში“ თემებზე:

1. საქართველოში ფსიქიატრიული სფეროს პრობლემების შეფასება - სტერეოტიპები, სტიგმა, დარგის დისკრიმინაციის მცდელობა;
2. საკანონმდებლო რეგულაციები, რომლითაც ფსიქიატრიის კომპეტენციები სხვა სპეციალობის ექიმებს განესაზღვრათ - პაციენტთა უფლებების დარღვევა, დაავადების მართვის არასწორი მეთოდები.

ორგანიზატორები: საქართველოს ფსიქიატრთა საზოგადოება, გლობალური ინიციატივა ფსიქიატრიაში - თბილისი, საქართველოს ფსიქიკური ჯანმრთელობის კოალიცია, საქართველოს ფსიქიკური ჯანმრთელობის ასოციაცია.

მონაწილეები: საქართველოს შრომის, ჯანმრთელობისა და სოციალური დაცვის სამინისტროს წარმომადგენლები, ფსიქიატრიის დარგის სპეციალისტები, ექსპერტები, სამოქალაქო სექტორი, მედია.

დისკუსიის შემდეგ, დაიწყება ხელმოწერები პეტიციაზე, რომლის მოთხოვნაა:        „გადაიხედოს    საქართველოს  შრომის,  ჯანმრთელობისა  და  სოციალური  დაცვის  მინისტრის №01-8/ნ ბრძანების დანართი 2 (2015 წლის 30 მარტი) და №01-21/ნ ბრძანების დანართი 12 (2015 წლის 15 ივლისი), რომლებითაც ფსიქიატრიის კომპეტენციები სხვა სპეციალობის ექიმებს განესაზღვრათ და დაუყონებლივ მოხდეს მათი შესწორება საერთაშორისო პრაქტიკისა და საქართველოში აღიარებული დაავადებათა კლასიფიკატორების გათვალისწინებით“.

საჯარო დისკუსია გაიმართება: 21.10.2015, 14:00 საათზე.

მის: გუდიაშვილის N7, ეროვნული ბიბლიოთეკის მე-3 კორპუსი, საკონფერენციო დარბაზი.