ევროკომისარი: მოსულიდან განდევნილი ჯიხადისტები, შესაძლოა, ევროპაში შევიდნენ

ევროპა ჯიხადისტების დასახვედრად მზად უნდა იყოს, თუ კი ერაყის არმია ”ისლამურ სახელმწიფოს” მოსულს წაართმევს. ამის შესახებ ევროკომისარმა უსაფრთხოების საკითხებში ჯულიან კინგმა განაცხადა.

როგორც კინგმა გერმანულ გამოცემა Die Welt-ს განუცხადა, ევროპაში რადიკალი ისლამისტების მასობრივი შედინება ნაკლებად სავარაუდოა, თუმცა მცირე რაოდენობითაც კი მათ სერიოზული საფრთხის მოტანა შეუძლიათ.

მოსულის გათავისუფლების ოპერაცია 17 ოქტომბერს გამთენიისას დაიწყო, მასში ერაყის არმია, ქურთთა გასამხედროებული ფორმირებები და ანტიტერორისტული საერთაშორისო კოალიციის სამხედრო ავიაცია მონაწილეობს.

ექსპერტების აზრით, მოსულის გათავისუფლება ერაყში ”ისლამური სახელმწიფოს” ფაქტობრივ განადგურებას ნიშნავს. სამხედრო სპეციალისტები ოპერაციის სირთულეზე საუბრობენ და აცხადებენ, რომ ის შესაძლოა რადენიმე კვირის განმავლობაში გაგრძელდეს.