შსს-ს მაშველებმა მყვინთავების გადამზადების კურსი გაიარეს

საქართველო, თბილისი - 10:50 | 16.10.2016

ნანახია: 1357

შსს-ს საგანგებო სიტუაციების მართვის სააგენტოს 20–მდე მაშველმა მყვინთავების მომზადება-სერთიფიცირების სამთვიანი კურსი გაიარა.
სწავლება მყვინთავ-ინსტრუქტორების პროფესიული ასოციაცია PADI-ის ეგიდით გაიმართა. შსს-ს მაშველებს ტრენინგი თბილისსა და ბათუმში ჩაუტარდათ. კურსის დასრულების შემდეგ ყველა მონაწილეს მყვინთავი-მაშველის სტატუსი მიენიჭა.
მყვინთავების მომზადების კურსის გავლა მაშველებს პროფესიონალიზმის ამაღლებაში დაეხმარება და წყალზე სამაშველო ღონისძიებების დროს მათი რეაგირების ხარისხს გააუმჯობესებს.