პატრიარქმა პრემიერ-მინისტრს არჩევნების მშვიდობიანად ჩატარება მიულოცა

სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა ილია მეორემ პრემიერ-მინისტრს არჩევნების მშვიდობიანად ჩატარება მიულოცა. 

„დღევანდელ დღესასწაულზე, ამ წირვა-ლოცვაზე ბრძანდებოდა პრემიერ-მინისტრი და მინისტრები. ჩვენ ვულოცავთ პრემიერ-მინისტრს და მთავრობას ამ დიდ დღესასწაულს. მე მინდა მივულოცო მშვიდობით ჩატარებული არჩევნები. ეს არის თქვენი დიდ დამსახურება, ბატონო გიორგი“, - განაცხადა პატრიარქმა სვეტიცხოვლის საპატრიარქო ტაძარში, ქადაგებისას. 

მისივე თქმით, ყველაფერი უნდა გავაკეთოთ იმისათვის, რომ ხალხში განმტკიცდეს მართმადიდებელი სარწმუნოება, სიყვარული და სასოება. პატრიარქმა ასევე, ყველას მიულოცა სვეტიცხოვლობა.