რუსეთი ალეპოს საცხოვრებელ კვარტლებს ისევ ბომბავს

საქართველო, თბილისი - 10:07 | 12.10.2016

ნანახია: 1733

რუსეთის სამხედრო ავიაციამ ალეპოს აღმოსავლეთით ამბოხებულების კონტროლქვეშ მყოფი საცხოვრებელი კვარტლების წინააღმდეგ ავიადარტყმები განაახლა. სირიის ადამიანის უფლებათა დაცვის ცენტრის წარმომადგენელთა თქმით, ქალაქი უკანასკნელი დღეების განმავლობაში მასირებელი დაბობვის ქვეშ მოექცა. მათივე თქმით, ავიაიერიშების შედეგად 25 ადამიანი დაიღუპა, მათ შორის ბავშვებიც.

ცენტრის ინფორმაციით, რუსეთის სამხედრო თვითმფრინავებმა ქალაქში ე.წ. ბუნკერსაწინააღმდეგო ჭურვები და სხვა ავიაბომბები ჩაყარეს.

ორი დღის წინ საფრანგეთის პრეზიდენტმა ფრანსუა ოლანდმა განაცხადა, რომ რუსეთის ოფიციალურ პირებს ალეპოს დაბომბვის გამო შესაძლოა სამხედრო დანაშაულებებისთვის ბრალი წაუყენონ. დიდი ბრიტანეთის საგარეო საქმეთა მინისტრმა ბორის ჯონსონმა კი აღნიშნა, რომ რუსეთი რისკავს გახდეს გარიყული ქვეყანა, თუ კი სირიის მშვიდობიანი მოსახლეობის დაბომბვას გააგრძელებს. მისივე თქმით, ალეპოს სამოქალაქო ობიექტების დაბომბვაზე პასუხისმგებელი პირები საერთაშორისო ტრიბუნალის წინაშე უნდა წარდგნენ.