ფილადელფიაში პოლიციამ მამაკაცი მოკლა, რომელიც თავის შვილებს თავს დაესხა

პენსილვანიის შტატის ქალაქ ფილადელფიის პოლიციამ მოკლა მამაკაცი, რომელიც თავის ორ შვილსა და კიდევ ორ ადამიანს თავს დაესხა. პოლიციის მონაცემებით, მამაკაცი თავს ჯერ თავის 15 წლის ქალიშვილს დაესხა, შემდეგ დანით რამდენიმე ჭრილობა მიაყენა 8 წლის ვაჟსა და მის 13 წლის მეგობარს.  მოზარდები უმძიმესი მდგომარეობით საავადმყოფოში არიან გადაყვანილი.

შემდეგ მამაკაცი მეზობლად მდებარე მეგობრების სახლში მივიდა, სადაც ასევე თავს დაესხა იქ მყოფ ორ ქალს და ერთ-ერთი მათგანი ცეცხლსასროლი იარაღით დაჭრა.

პოლიცია შემთხვევის ადგილზე სატელეფონო შეტყობინების შემდეგ მივიდა. თავდამსხმელი სამართალდამცველების ბრძანებას არ დაემორჩილა, რის შემდეგაც პოლიციამ მას რამდენჯერმე ესროლა. მამაკაცი მიღებული ჭრილობებისაგნ საავადმყოფოში გარდაიცვალა.