ბრიტანეთის ელჩი: დიდი ინტერესით ვაკვირდებით "რუსთავი 2"-ის საქმეს

დიდი ინტერესით ვაკვირდებით "რუსთავი 2"-ის საქმეს, -   აცხადებს დიდი ბრიტანეთის ელჩი საქართველოში ალექსანდრა ჰოლ ჰოლი.

ელჩის განცხადებით, დღეს საქართველოში მედია თავისუფალია. მისივე თქმით, ყველა ვისაც საქართველოსთან დაკავშირებით ინტერესი გააჩნია, აღფრთოვანებულია დემოკრატიის მხრივ საქართველოში მიღწეული პროგრესით.

"ყველა, ვისაც ამ მხრივ, ინტერესი გაგვაჩნია, აღფრთოვანებულები ვართ დემოკრატიის მხრივ საქართველოს მიერ მიღწეული პროგრესით და დიდი ინტერესით ვაკვირდებით "რუსთავი 2"-ის საქმეს. მე და ჩემი კოლეგები თვალყურს ვადევნებთ ამ საქმეს და გვაინტერესებს, რა მოხდება ამ კვირაში. ეს სასამართლო პროცესია და რაც არ უნდა მოხდეს სასამართლოში, ჩემი აზრით, ყველაზე მნიშვნელოვანი ისაა, რომ საქართველოს კვლავ აქვს მედიის თავისუფლება და მთელი პოლიტიკური სპექტრის მასშტაბით, არსებობს შესაძლებლობა, გამოითქვას განსხვავებული მოსაზრებები ქართული მედიის შესახებ. ეს არის ყველაზე მნიშვნელოვანი საკითხი, რაზეც საქართველოს მეგობრებს შეუძლიათ, ისაუბრონ. ერთ წელიწადში საქართველოს არჩევნები ელის, რაც საშუალებას მისცემს, კიდევ ერთხელ დაამტკიცოს, რომ რეგიონში დემოკრატია არსებობს", - განაცხადა დიდი ბრიტანეთის ელჩმა.