ევროპელი დამკვირვებლების განცხადებით, ბელარუსის საპრეზიდენტო არჩევნები დემოკრატიულ სტანდარტებს არ შეესაბამებოდა.

მინსკში გამართულ პრესკონფერენციაზე მათ ხაზი გაუსვეს საარჩევნო პროცესის შესამჩნევ პროგრესს, თუმცა მათივე განცხადებით ეს საკამარისი არ არის იმისათვის, რომ ის თავისუფალ და დემოკრატიულ არჩევნებად აღიარონ.

”ბელარუსმა გრძელი გზა უნდა გაიაროს, ვიდრე ეუთოს ფარგლებში თავის ვალდებულებს არ შეასრულებს არჩევნების დემოკრატიულად ჩატარების კუთხით”, - ნათქვამია ეუთოს საპარლამენტო ასამბლეის განცხადებაში.

თავის მხრივ იმედგაცრუება გამოთქვა აშშ-ის სახელმწიფო დეპარტამენტმაც. დეპარტამენტში აღნიშნავენ, რომ არჩევნების მშვიდობიანი ხასიათის მიუხედავად, საარჩევნო პროცესი დიდწილად არ შეესაბამებოდა მინსკის მიერ აღებულ საერთაშორისო ვადებულებებს.