png.ge
png.ge
png.ge
16+
20 ნოემბერი, 2026, პარასკევი
png.ge
  • მთავარი
  • პოლიტიკა
  • ეკონომიკა
  • ბიზნესი
  • სამართალი
  • თავდაცვა
  • საზოგადოება
  • კულტურა
  • სპორტი
  • მეტი
    • მსოფლიო
    • კონფლიქტები
    • ეს საინტერესოა
    • მედიცინა
+16
20 ნოემბერი, 2026, პარასკევი
png.ge

თავდაცვის სამინისტროში შეიარაღებული ძალების კაპელანებთან საინფორმაციო შეხვედრა გაიმართა

  • თავდაცვა
  • 29.06.2016
  • 10:45
თავდაცვის სამინისტროში შეიარაღებული ძალების კაპელანებთან საინფორმაციო შეხვედრა გაიმართა

 

საქართველოს თავდაცვის სამინისტროში შეიარაღებული ძალების კაპელანებთან საინფორმაციო შეხვედრა თემაზე - „ნატო და უსაფრთხოება“ გაიმართა. სასულიერო პირებს თავდაცვის მინისტრი თინათინ ხიდაშელი და შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე მიესალმნენ.

 

თინათინ ხიდაშელმა ყურადღება გაამახვილა ჯარში სუიციდის ფაქტების შემცირების საქმეში კაპელანების მნიშვნელოვან როლზე; მინისტრმა ჯარში რელიგიური უმცირესობებისთვის სამლოცველოების გახსნის თემაზეც ისაუბრა.

 

„ვფიქრობ, კაპელანების ინსტიტუტი ჯარის ისეთივე ცოცხალი ორგანიზმია, როგორც ნებისმიერი სხვა მიმართულება და ამიტომ, ბუნებრივია, რომ მუდმივად აზრთა გაცვლა-გამოცვლა, პოზიციების შეჯერება ძალიან ღირებულია. ძალიან საინტერესო დისკუსია გვქონდა სუიციდის პრევენციაზე, თუ რა დამატებითი ზომები შეიძლება განვახორციელოთ ამ მიმართულებით. ბოლო ექვსი თვის განმავლობაში, რაც აქტიურად დავიწყეთ ამ თემაზე მუშაობა, საკმაოდ ხელშესახები შედეგი გვაქვს საბედნიეროდ და, რა თქმა უნდა, ეს მათი და ფსიქოლოგიური დეპარტამენტის დამსახურებაცაა; თუმცა, ამ კუთხით კიდევ ბევრი რამ უნდა გავაკეთოთ, ეს არის თემა, რომელიც ძალიან მნიშვნელოვანია ჩვენთვის. იცის საზოგადოებამ, რომ ჩვენ ერთგვარი თანასწორობის ქმედითი პოლიტიკის გატარება დავიწყეთ ჯარში, მათ შორის, რელიგიური უმცირესობების წარმომადგენლების ინტეგრაციის თვალსაზრისით. გავხსენით სამლოცველოები სხვადასხვა ბრიგადაში. უკვე გარკვეული დრო გავიდა ამ მომენტიდან და, შესაბამისად, დღეს, ამ შეხვედრის დროს ჩვენ ვისაუბრეთ, თუ კიდევ როგორ შეიძლება უფრო მეტი გავაკეთოთ იმისთვის, რომ ინტეგრაციის პროცესი იყოს მაქსიმალურად წარმატებული. მგონია, რომ ასეთი საინფორმაციო შეხვედრებით შეიარაღებულ ძალებში, ერთობლივად, საკმაოდ ბევრი დადებითი ტენდენციის გამოკვეთა ან გაძლიერება შეგვიძლია“, - განაცხადა თინათინ ხიდაშელმა.

 

გენერალ-მაიორმა ვახტანგ კაპანაძემ აღნიშნა, რომ კაპელანებთან შეხვედრა მნიშვნელოვანია, რადგან მათ განსაკუთრებული როლი აქვთ სამხედრო მოსამსახურის საბრძოლო სულისკვეთების ჩამოყალიბებასა და პატრიოტიზმის განმტკიცების საქმეში.

 

შეიარაღებულ ძალებში მოღვაწე მოძღვრებმა ჯარისკაცების ფსიქოლოგიური მდგომარეობის, განათლებისა და მათთვის მოტივაციის ამაღლების საკითხებზეც ისაუბრეს.

 

შეხვედრაზე თავდაცვის უწყების წარმომადგენლებმა და კაპელანებმა რეგიონში არსებული უსაფრთხოების გარემო და გამოწვევები, ნატო-საქართველოს ურთიერთობები და ნატოს ვარშავის სამიტთან დაკავშირებული მოლოდინები განიხილეს. ასევე იმსჯელეს საერთაშორისო მისიებში საქართველოს შეიარაღებული ძალების მონაწილეობის მნიშვნელობაზე, საქართველოს შეიარაღებული ძალების ტრანსფორმაციისა და ნატოსთან თავსებადობის საკითხებზე.

 

შეიარაღებულ ძალებში მოღვაწე სასულიერო პირებს აღნიშნულ თემებზე მოხსენებები წარუდგინეს გენერალური შტაბის უფროსის პირველმა მოადგილემ, პოლკოვნიკმა ომარ ბეგოიძემ, გენერალური შტაბის J-3 ოპერატიული დაგეგმვის დეპარტამენტის უფროსმა, პოლკოვნიკმა ნიკოლოზ ჯანჯღავამ, გენერალური შტაბის უფროსის მრჩეველთა ჯგუფის მრჩეველმა, პოლკოვნიკმა მალხაზ მერლანმა, ნატოსა და ევროკავშირის შესახებ საინფორმაციო ცენტრის დირექტორის მოადგილემ, გიორგი ფარეშიშვილმა და სხვა ოფიციალურმა პირებმა. შეხვედრა კითხვა-პასუხის რეჟიმში წარიმართა.

 

საქართველოს თავდაცვის სამინისტროს სტრატეგიული კომუნიკაციების დეპარტამენტმა ნატოსა და უსაფრთხოების საკითხებზე საინფორმაციო ხასიათის შეხვედრები დასავლეთ და აღმოსავლეთ საქართველოს ადგილობრივი თვითმმართველობების წარმომადგენლებთან შეხვედრებით 19 მაისს დაიწყო. საქართველოს შეიარაღებული ძალების კაპელანებთან შეხვედრა რიგით მეოთხე იყო. სტრატეგიული კომუნიკაციების დეპარტამენტი მსგავსი ტიპის საინფორმაციო ხასიათის შეხვედრებს მომავალშიც გააგრძელებს.

 

გაზიარება:

ამავე კატეგორიაში

სარეკლამო სივრცე 300X200

მიმდინარე სიახლეები

მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
  • 17:10
მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
  • 16:59
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
  • 16:57
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
  • 12:43
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
  • 12:31
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
  • 16:47
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
კაცმა ცივი იარაღის გამოყენებით დედა დაჭრა - თელავში 1 პირი დააკავეს
  • 11:14
კაცმა ცივი იარაღის გამოყენებით დედა დაჭრა - თელავში 1 პირი დააკავეს
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
  • 14:40
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
ყველა სიახლე
სარეკლამო სივრცე 300X200
https://www.facebook.com/pages/Prime-News-Georgia/1630193507230649

© png.ge 2015-2026. ყველა უფლება დაცულია

  • info@png.ge