24 ივნისს ვენაში, ევროპის ხელბურთის ფედერაციის ოფისში გაიმართება ევროპის

2020 წლის ჩემპიონატის შესარჩევი ტურნირის პირველი ეტაპის წილისყრა.

დარეგისტრირებულია კაცთა 9 ეროვნული ნაკრები: თურქეთი, საბერძნეთი, იტალია, ესტონეთი, ლუქსემბურგი, კვიპროსი,  საქართველო, ფარერები, კოსოვო.

შეიქმნება 3 სამგუნდიანი ჯგუფი, რომელიც 2016 წლის ნოემბრიდან 2017 წლის იანვრამდე ორწრიან ტურნირს ითამაშებს. 3 გამარჯვებული გავა მთავარ შესარჩევ რაუნდში, რომელიც 2018-19 წლებში გაიმართება. ჯგუფში ვერ შეგვხვდება კოსოვო და ფარერის კუნძულები, რადგანაც ეს ორი ქვეყანა საქართველოსთან ერთადაა განთესილი.

ევროპის ხელბურთის ფედერაციამ ევროპის კაცთა ჩემპიონატების ფორმატი შეცვალა. 2020 წელს ფინალურ ტურნირზე 24 ნაკრები ითამაშებს. უკვე ცნობილია სამი მასპინძელი - შვედეთი, ნორვეგია და ავსტრია. ეს სამი ქვეყანა, 2018 წლის ევროპის ჩემპიონთან ერთად, შესარჩევი ტურნირიდან თავისუფალია.

დანარჩენი 20 ადგილი კი განაწილდება კვალიფიკაციაში.

 EHF რეიტინგის მიხედვით, 27 ქვეყანა პირველი შესარჩევი ეტაპიდან

თავისუფალია: დანია, ესპანეთი, საფრანგეთი, გერმანია, პოლონეთი, ხორვატია, ჩეხეთი, უნგრეთი, სლოვენია, ისლანდია, რუსეთი, მაკედონია, ბელარუსი, სერბეთი, მონტენეგრო, ბოსნია, შვეიცარია, პორტუგალია, რუმინეთი, ჰოლანდია, უკრაინა, ლატვია, სლოვაკეთი, ლიტვა, ბელგია, ფინეთი, ისრაელი. ესენი ბრძოლაში 2018 წელს, მეორე რაუნდიდან ჩაერთვებიან.

პირველ რაუნდში 9 ქვეყანა (თურქეთი, საბერძნეთი, იტალია, ესტონეთი, ლუქსემბურგი, კვიპროსი,  საქართველო, ფარერები, კოსოვო) გაითამაშებს კიდევ

3 საგზურს, ხოლო ბოლო საგზური გათამაშდება 2017 წლის ჩელენჯ ტროფიზე, რომელზეც ჯერჯერობით დარეგისტრირებული არიან: ალბანეთი, ანდორა, სომხეთი, აზერბაიჯანი, ბულგარეთი, გიბრალტარი, ირლანდია, ბრიტანეთი, მოლდოვა, მალტა.

საბოლოოდ, შერჩევის დასკვნით, მეორე ეტაპზე გათამაშდება 20 საგზური.

შეიქმნება 8 ჯგუფი, ფინალურ ეტაპზე თამაშს უფლებას მიიღებს ჯგუფების 2-2 გამარჯვებული და 4 საუკეთესო მესამეადგილოსანი.

საქართველოს ნაკრებისთვის მთავარ შესარჩევ რაუნდში მოსახვედრი გზა გამარტივდა. ადრე, პირველ ეტაპზე გამარჯვებულ გუნდებს სათამაშო ჰქონდათ კიდევ ერთი რაუნდი, პლეიოფი, რომელიც გაუქმებულია.