png.ge
png.ge
png.ge
16+
20 ნოემბერი, 2026, პარასკევი
png.ge
  • მთავარი
  • პოლიტიკა
  • ეკონომიკა
  • ბიზნესი
  • სამართალი
  • თავდაცვა
  • საზოგადოება
  • კულტურა
  • სპორტი
  • მეტი
    • მსოფლიო
    • კონფლიქტები
    • ეს საინტერესოა
    • მედიცინა
+16
20 ნოემბერი, 2026, პარასკევი
png.ge

პოლონეთის სამხედრო ატაშე: „მხარეები სრულ კოორდინაციაში იყვნენ ერთმანეთთან“

  • თავდაცვა
  • 17.06.2016
  • 15:12
პოლონეთის სამხედრო ატაშე: „მხარეები სრულ კოორდინაციაში იყვნენ ერთმანეთთან“

საქართველოში პოლონეთის სამხედრო ატაშე, პოლკოვნიკი მარიუშ გრჟიბოვსკი საერთაშორისო სამხედრო სწავლება „ანაკონდა 2016“-ში ქართული ასეულის მონაწილეობასთან დაკავშირებით კომენტარს აკეთებს.

„2016 წლის 4 ივნისს, 16:40 წუთზე სატელეფონო საუბარი მქონდა გენერალური შტაბის უფროსის პირველ მოადგილესთან, პოლკოვნიკ ომარ ბეგოიძესთან. პოლკოვნიკმა ბეგოიძემ ამიხსნა, რომ ქართულ დანაყოფში აღმოჩენილი ჩუტყვავილას ორი შემთხვევის გამო ასეული ვერ შეძლებდა სწავლება „ანაკონდა 2016“-ში მონაწილეობას. რადგან ინკუბაციის პერიოდი კვლავ აქტიური იყო, ქართულმა მხარემ გადაწყვიტა, უარი ეთქვა მიმდინარე სწავლებაში მონაწილეობაზე. პოლკოვნიკმა ბეგოიძემ ასევე მითხრა, რომ ეს ინფორმაცია პოლონეთს დიპლომატიური არხებითაც გადაეგზავნა. კონკრეტულად კი, საქართველოს სამხედრო ატაშემ პოლონეთში, პოლკოვნიკმა ზურაბ ყიფიანმა მიაწოდა აღნიშნული ინფორმაცია ჩვენს თავდაცვის სამინისტროს. როგორც კი აღნიშნული ამბავი ჩემამდე მოვიდა, დაუყოვნებლივ ჩავაყენე საქმის კურსში პოლონეთის ეროვნული თავდაცვის სამინისტროს მეკავშირე ოფიცერი, რომელმაც ინფორმაცია მიაწოდა შესაბამის პასუხისმგებელ პირებს. ასევე მნიშვნელოვანია, რომ 2016 წლის 4 ივნისს 17:00 საათისთვის პოლონეთის ეროვნულ თავდაცვის სამინისტროს აღნიშნული ინფორმაცია უკვე მიღებული ჰქონდა პოლონეთში საქართველოს სამხედრო ატაშესგან.

ჩემი აზრით, ქართულმა მხარემ ყველა საჭირო ნაბიჯი გადადგა პრობლემის შესახებ სწავლების ორგანიზატორების ინფორმირებისთვის. ასევე მინდა დავამატო, რომ 2016 წლის 10 ივნისს გენერალური შტაბის უფროსმა, გენერალ-მაიორმა ვახტანგ კაპანაძემ პოლონეთის ოპერაციული სარდლობის მეთაურს, გენერალ-ლეიტენანტ მარეკ ტომაზეცკის ოფიციალური წერილი გაუგზავნა, რომელშიც იმ მიზეზებს ხსნიდა, თუ რატომ ვერ მიიღებდა სწავლებაში ქართული მხარე მონაწილეობას. მინდა ვთქვა, რომ მხარეები სრულ კოორდინაციაში იყვნენ ერთმანეთთან“, - განაცხადა პოლკოვნიკმა მარიუშ გრჟიბოვსკიმ.

2016 წლის 6 ივნისს პოლონეთში დაგეგმილ საერთაშორისო სწავლება - "ANAKONDA 2016"-ში ნატოს წევრი სახელმწიფოების სამხედროებთან ერთად მონაწილეობა უნდა მიეღო საქართველოს შეიარაღებული ძალების IV მექანიზირებული ბრიგადის მე-12 მსუბუქი ქვეითი ბატალიონის III მსუბუქ ქვეით ასეულს. თუმცა ასეულის გამგზავრებამდე რამდენიმე დღით ადრე ქვეით ასეულში გამოვლინდა ჩუტყვავილით დაავადების ორი შემთხვევა. აღნიშნული ვირუსი დანაყოფში ერთ-ერთმა ჯარისკაცმა გაავრცელა, რომელსაც დაავადება ოჯახის მცირეწლოვანი წევრისგან გადაედო.

ამ ფაქტთან დაკავშირებით საქართველოს შეიარაღებული ძალების გენერალურ შტაბში შედგა კონსილიუმი, რომელზეც მიიღეს გადაწყვეტილება, რომ IV მექანიზირებული ბრიგადის მე-12 მსუბუქი ქვეითი ბატალიონის III მსუბუქმა ქვეითმა ასეულმა მიმდინარე წელს დაგეგმილ საერთაშორისო სწავლება - "ANAKONDA-16"-ში არ მიიღოს მონაწილეობა, რათა თავიდან იყოს აცილებული წვრთნაში მონაწილე სამხედროებში ვირუსის გავრცელების შესაძლებლობა.

გაზიარება:

ამავე კატეგორიაში

სარეკლამო სივრცე 300X200

მიმდინარე სიახლეები

მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
  • 17:10
მაშველები ნანგრევებში ეძებენ შვიდ მოქალაქეს, რომელთა შორის, სამი მცირეწლოვანია
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
  • 16:59
ღმერთო, დაგვიფარე ასეთი მეგობრებისგან - დონალდ ტუსკი ტრამპის მიერ პუტინის „მეგობრად“ მოხსენიებაზე
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
  • 16:57
ივანიშვილი, რომელმაც სამჯერ უკანონოდ ჩამსვა, რომ დაასანქცირონ, მიხარია კი არა, საერთოდ ჩაიტანოს დედამიწამ - ნიკა გვარამია
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
  • 12:43
გაყიდვების რეკორდი საბურავებში - საავტომობილო პროდუქციის ფართო არჩევანი და ზამთრის შეთავაზებები „თეგეტა მოტორსში“
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
  • 12:31
„თეგეტა აკადემიის“ სავალი ნაწილის შეკეთების პროგრამა დასრულდა - კურსდამთავრებულების ნახევარზე მეტი „თეგეტაში“ დასაქმდება
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
  • 16:47
Tegeta App-ში მოგების დროა - ყოველი 50-ე ახალი მომხმარებელი საჩუქრად „გალფის“ ქულებს მიიღებს
კაცმა ცივი იარაღის გამოყენებით დედა დაჭრა - თელავში 1 პირი დააკავეს
  • 11:14
კაცმა ცივი იარაღის გამოყენებით დედა დაჭრა - თელავში 1 პირი დააკავეს
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
  • 14:40
Geely Starship 7 და Toyota Corolla საქართველოს ბანკის ავტოპარკში - „თეგეტა“ ბანკს ფლიტმენეჯმენტის ფარგლებში სრულ მომსახურებას გაუწევს
ყველა სიახლე
სარეკლამო სივრცე 300X200
https://www.facebook.com/pages/Prime-News-Georgia/1630193507230649

© png.ge 2015-2026. ყველა უფლება დაცულია

  • info@png.ge