უიტნი ჰიუსტონის ქვრივმა, რეპერმა ბობი ბრაუნმა გამოაქვეყნა  მემუარები, რომელშიც წერს, თუ როგორ   კავდებოდა სექსით ჯანეტ ჯექსონთან, მადონასთან და მოჩვენებასთანაც კი. წიგნი მან მიუძღვნა ჰიუსტონის გარდაცვალებიდან ოთხი და ქალიშვილის  - ბობი კრისტინას სიკვდილიდან ერთი წლისთავს.

როგორც People წერს, წიგნში ავტორი დაწვრილებით აღწერს თუ როგორ უვლიდა ქალიშვილს და როგორ ენატრებოდა გარდაცვლილი ცოლი. წიგნში ბევრია მოთხრობილი ბრაუნის ინტიმურ ცხოვრებაზეც, აღმოჩნდა, რომ ვარსკვლავების გარდა მას სექსი მოჩვენებებთანაც ჰქონდა.

”ერთხელ ჯორჯიაში სახლი ვიყიდე. მე მაშინვე ვიგრძენი რაღაც უჩვეულო. სახლი თითქოს გარე ძალებს ჰქონდათ დაპყრობილი. ერთ ღამეს გამეღვიძა და დავინახე ძალიან სიმპატიური მოჩვენება”, -წერს ბრაუნი და ირწმუნება, რომ წინა დღეებში მას ნარკოტიკები არ მიუღია.  ”გეფიცებით, მე არ ვყფოლვარ კაიფში, არ გატყუებთ”, -აღნიშნავს მომღერალი.

მისი თქმით, უიტნი ჰიუსტონი Soul Train Awards-ის  პრემიის გადაცემისას, 1989 წელს გაიცნო. ის მაშინვე მოეწონა, თუმცა დასაახლოვებლად პირველი ნაბიჯი ჰიუსტონმა გადადგა. მომღერალმა და რეპერმა ქორწინებაში 15 წელი გაატარეს.  

ბრაუნი ამტკიცებს, რომ გარდაცვლილი ცოლი სიცოცხლის ბოლომდე ემახსოვრება.

ბობი ბრაუნი ახლა 47 წლისაა. მან ცოტა ხნის წინ დაამარცხა ნარკოდამოკიდებულება და ახლა ალკოჰოლის წინააღმდეგ იბრძვის.

ჰიუსტონი და ბრაუნი ერთმანეთს 2007 წელს გაშორდნენ. მომღერალმა ქალიშვილზე სრული მეურვეობა მიიღო. ბრაუნს იმ დროს პრობლემები ჰქონდა კანონთან. ამის გარდა უიტნი მას ოჯახურ ძალადობაშიც ადანაშაულებდა. ჰიუსტონი მედიკამენტების ჭარბი რაოდენობით მიღების შედეგად 2012 წელს გარდაიცვალა. მისი ქალიშვილი ბობი კრისტინა ბრაუნიც იგივე გარემოებაში სამი წლის შემდეგ მოკვდა.