სააკაშვილმა სამუშაო კაბინეტი კარავში გადაიტანა
ოდესის ოლქის გუბერნატორმა, მიხეილ სააკაშვილმა სამუშაო კაბინეტი ოდესა-რენის მაგისტრალზე, კარავში გადაიტანა და განაცხადა, რომ გზატკეცილზე სარემონტო სამუშაოების დასრულებამდე, ის მუშაობას კარავში განაგრძობს. აღნიშნულის შესახებ უკრაინული ტელეარხი 112 Украина იუწყება.
გზაზე დადგმულ კარავს შემდეგი სახის წარწერა აქვს: "ოდესის ოლქის რეგიონალური სახელმწიფო ადმინისტრაციის თავმჯდომარის მიხეილ სააკაშვილის დროებითი ოფისი".
"აქ მანამდე ვიქნები, სანამ გზაზე სამუშაოები არ დასრულდება," - განაცხადა სააკაშვილმა.
