”ისლამური სახელმწიფოს” მებრძოლები ერაყის ქალაქ ფალუჯას მშვიდობიან მცხოვრებლებს, რომლებიც ქალაქიდან გაქცევას ცდილობენ, ადგილზე უსწორდებიან.

სააგენტო ფრანს პრესის ინფორმაციით, მებრძოლები განურჩევლად ესვრიან ადამიანებს, რომლებიც მდინარე ევფრატზე გადასვლას ცდილობენ. ევფრატი მათთვის ერთადერთი შესაძლებლობაა,  ქალაქის დატოვების, რომელიც ომის ცეცხლშია გახვეული.

ნორვეგიის მიგრანტთა საკითხების შემსწავლელი საბჭოს ინფორმაციით, მშვიდობიანი მოქალაქეების ჯგუფი, რომელთა რაოდენობაც უცნობია, მდინარის გადალახვის მცდელობისას დახვრიტეს.

ორგანიზაციის ცნობით, ქალაქის გასათავისუფლებლად ერაყის სამთავრობო არმიის საბრძოლო მოქმედებების დაწყებიდან, ბოლო ორი კვირის განმავლობაში მიგრანტთა ბანაკებს 18 ათასმა მშიდობიანმა მცხოვრებმა შეაფარა თავი.

”ისლამური სახელმწიფო” ფალუჯას 2014 წლის დასაწყისიდან აკონტროლებს. გაეროს მონაცემებით, ქალაქში 50 ათასი მშვიდობიანი მცხოვრებია დარჩენილი. სამხედრო ოპერაციას ერაყელი სამხედროები საერთაშორისო კოალიციის ავიაციის დახმარებით აწარმოებენ.   

ტერორისტები ფალუჯას, რომელიც ბაღდადიდან 65 კმ-ის დაშორებით მდებარეობს, პლაცდარმის სახით იყენებენ იერიშების და ტერაქტების განსახორციელებლად.