ავიაკომპანია EgyptAir-ის თვითმფრინავის Airbus A320-ის ავიაკატასტროფისას გარდაცვლილთა ცხედრების ფრაგმენტების ანალიზი ცხადყოფს, რომ ბორტზე აფეთქება მოხდა. ამის შესახებ Associated Press-ი ექსპერტ-კრიმინალისტებზე დაყრდნობით წერს. თუმცა ასაფეთქებელი ნივთიერების კვალი ჯერ აღმოჩენილი არ არის.

ერ-ერთი ექსპერტის თქმით, ქაიროში ცხედრების 80 ფრაგმენტია გადატანილი.”ისინი იმდენად  მცირე ზომისაა, რომ მათ შორის სხეულის რომელიმე მთლიანი ნაწილიც კი არ არის, მაგალითად ხელები, ან თავები... ლოგიკურად შესაძლებელია აიხსნას, რომ ეს აფეთქება იყო”,- განუცხადა Associated Press-ს კრიმინალისტმა.

ლაინერი А320, რომელიც პარიზიდან ქაიროში მიფრინავდა, 19 მაისს ხმელთაშუა ზღვის თავზე, გაუჩინარდა. თვითმფრინავის ბორტზე 12 ქვეყნის 66 მოქალაქე იმყოფებოდა: 56 მგზავრი, უსაფრთხოების სამი თანამშრომელი და ეკიპაჟის 7 წევრი. მოგვიანებით  А320-ის ფრაგმენტები, ცხედრების ნაწილები და მგზავრების პირადი ნივთები საბერნეთის კუნძულ კარპატოსის რაიონში აღმოაჩინეს.