ჰოლივუდის მსახიობი, გაეროს ელჩი და  ქალთა უფლებების დამცველი ანჯელინა ჯოლი ლონდონის პრესტიჟულ ეკონომიკის სკოლაში ლექციებს წაიკიხავს. მისი ლექციები ქალებზე ომის გავლენის თემას მიეძღვნება. მსახიობი სკოლაში მიწვეული პედაგოგის სტატუსით იმუშავებს.

”აუცილებელია გაფართოვდეს დისკუსია ქალების უფლებების დაცვაზე და იმაზე თუ როგორ უნდა მოეღოს ბოლო ქალთა მიმართ ჩადენილი დანაშაულის დაუსჯელობას,  როგორიცაა სექსუალური ძალადობა კონფლიქტების დროს”, - აღნიშნა მსახიობმა.

ლონდონის ეკონომიკის სკოლის წარმომადგენელთა თქმით, ლექციების კურსს საინფორმაციო მხარდაჭერას ქალთა უფლებების დაცვის ცენტრი გაუწევს. ცენტრი ჯოლისა და ბრიტანეთის საგარეო საქმეთა ყოფილი მინისტრის უილიამ ჰეიგის მიერაა დაარსებული.

2012 წლიდან ჯოლი და ჰეიგი ეწევიან კაპმანიას კონფლიქტურ ზონებში ქალთა მიმართ სექსუალური ძალადობის წინააღმდეგ.

2011 წელს ანჯელინა ჯოლის სარეჟისორო დებიუტი შედგა. მსახიობმა გადაიღო ფილმი ”სისხლისა და თაფლის მხარეში”, რომელშიც მოთხრობილია ბოსნიის ომის დროს ქალების მდგომარეობის შესახებ. ჰუმანიტარული ორგანიზაციების მონაცემებით, კონფლიქტის დროს ბოსნიაში ჯარისკაცებმა 20 ათასი ქალი გააუპატიურეს.