ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის დავით ბაქრაძის ინფორმაციით, ევროკავშირთან ასოცირების შესახებ შეთანხმება ძალაში 1-ელი აგვისტოდან შევა.

ევროპასთან ინტეგრაციის კომიტეტის სხდომაზე მან ასევე განაცხადა, რომ საქართველოს მიერ გაწეულ საქმიანობას პოზიტიურად აფასებენ, როგორც ევროკავშირის სტრუქტურებში, ისე წევრ სახელმწიფოებში.

”დღევანდელი მდგომარეობით, პრაქტიკულად სრულად არის რატიფიცირებული ასოცირების შეთანხმება ყველა წევრი სახელმწიფოს მიერ. პროცედურების დასრულების შემდგომ ვვარაუდობთ 1-ელი აგვისტოდან დოკუმენტის სრულად ძალაში შესვლას”, - განაცხადა მინისტრმა.