საქართველოს პრემიერ-მინისტრის გიორგი კვირიკაშვილის განცხადებით, ის, რაც გუშინ კორცხელში მოხდა, აღარ უნდა განმეორდეს.

მისივე თქმით, მომავალში უფრო მეტი მობილიზაცია უნდა იყოს სამართალდამცავების მხრიდან.

,,ერთხელ და სამუდამოდ, უნდა გადავშალოთ ფურცელი, როცა არჩევნები ტარდებოდა ძალადობით და მუშტი-კრივით არ უნდა გადაწყვიტოს მოსახლეობამ, ვინ უნდა აირჩიოს საქართველოს სამართვად. ეს არის დასაგმობი ინციდენტი. ვფიქრობთ, რომ მომავალში უფრო მეტი მობილიზაცია იქნება სამართალდამცავების მხრიდან საჭირო, რათა ასეთი ინციდენტები არ განმეორდეს“, - განაცხადა პრემიერ-მინბისტრმა. 

მისივე თქმით, ამ ინციდენტის გამოძიება და დამნაშავეების დასჯა იქნება სახელმწიფოს ღირსების საკითხი.