Sotheby's-ის აუქციონზე უმსხვილესი ვარდისფერი ბრილიანტი რეკორდულ ფასად გაიყიდა
უმსხვილესი ვარდისფერი ბრილიანტი ჟენევაში Sotheby's-ის აუქციონზე რეკორდულ ფასად - 31,5 მლნ დოლარად გაიყიდა. ძვირფასი ქვა 15,38-კარატიანია.
”ეს ახალი მსოფლიო რეკორდია... ეს ყველაზე მაღალი ფასია, რომელიც ვარდისფერ ბრლიანტში ოდესმე გადაუხდიათ”, - განუცხადა ”ფრანს პრესს” აუქციონის ორგანიზატორმა დევიდ ბენეტმა.
ბრლიანტი აზიელმა კერძო პირმა შეიძინა. Sotheby's-მა მანამდე ძვირფასი ქვა 28-38 მლნ დოლარად შეაფასა.
ბრილიანტი ხუთი წლის წინ სამხრეთ აფრიკის საბადოზე აღმოაჩინეს. გასაყიდად ის ნიუ-იორკში ბაზირებულმა კომპანია Cora International-მა გამოიტანა.
