ე.წ კაბელების საქმეზე სასამართლოს განაჩენთან დაკავშირებით, ირკალი ალასანიამ საგანგებო ბრიფინგი გამართა. ალასანიას განცხადებით, პარტია "თავისუფალი დემოკრატები" გამაფრთხილებელ აქციას 21 მაისს 14 საათზე პროკურატურასთან გამართავს.

"ერთადერთი რაც ვინატრე, იმ უდანაშაულო ბიჭების ნაცვლად მე დავეკავებინე. დღეს ივანიშვილმა მოსამართლე ბუგიანიშვილის ხელით 35 წელი მიუსაჯა უდანაშაულობას, სამშობლოს პატიოსან სამსახურს, უსამართლობა და ცინიზმი ისევ მთელი ძალით ბოგინობს ჩვენს ქვეყანაში, შეიცვალა მხოლოდ ამ საშინელი სისტემის მთავარი არქიტექტორი, ის ახლა არის ბიძინა ივანიშვილი", - განაცხადა ალასანიამ. 

შეგახსენებთ, რომ თავდაცვის სამინისტრო ხუთივე მაღალჩინოსანს 7 წლიანი პატიმრობა მიესაჯა. გადაწყვეტილება მოსამართლემ დღეს გამოაცხადა. ნუგზარ კაიშაურს, დავით წიფურიას, არჩილ ალავიძეს, გიორგი ლობჟანიძეს და გიზო ღლონტს გამოძიება 4 მილიონამდე სახელმწიფო თანხის გაფლანგვას ედავება.