თურქეთის პარლამენტის დეპუტატი მმართველი პარტიიდან შამილ ტაიარი კიდევ ერთი რუსული თვითმფრინავის ჩამოგდების მომხრეა. დეპუტატმა კალათბურთის ევროლიგის ფინალურ შეხვედრაში მოსკოვის ”ცეესკა” -სთან  სტამბულის ”ფენერბაღჩეს” დამარცხება ძალიან განიცადა. ”მინდა, რომ კიდევ ერთი რუსული თვითმფრინავი ჩამოვაგდოთ”, - დაწერა მან ტვიტერის მიკრობლოგში.

ანკარასა და მოსკოვს შორის ურთიერთობა სუ-24-თან დაკავშირებული ინციდენტის შემდეგ გამწვავდა. 24 ნოემბერს თურქეთის სამხედრო ავიაციამ სირიის ტერიტორიაზე რუსეთის თვითმფრინავი ჩამოაგდო. პუტინმა შემთხვევას ”ზურგში დანის დარტყმა უწოდა” და თურქეთის წინააღმდეგ რიგი ეკონომიკური შეზღუდვები დააწესა.