ეს იყო ძალადობა პარლამენტზე, კონსტიტუციაზე და ძალადობა ყველაფერ დემოკრატიულზე - ნინო გოგუაძე
„ეს იყო ძალადობა პარლამენტზე, ეს იყო ძალადობა კონსტიტუციაზე, ეს იყო ძალადობა ყველაფერ დემოკრატიულზე,“ - თავისუფალი დემოკრატების წევრი ნინო გოგუაძე "საკონსტიტუციო სასამართლოს შესახებ" კანონში შეტანილ ცვლილებებს და პროცესებს კურიერის პირდაპირ ეთერში აფასებს.
ნინო გოგუაძე მიღებულ კანონპროექტს „უკანონო კანონს“ უწოდებს.
„ეს იყო ძალადობა პარლამენტზე, ეს იყო ძალადობა კონსტიტუციაზე, ეს იყო ძალადობა ყველაფერ დემოკრატიულზე, რადგან ერთადერთი ინსტიტუტი, რომელიც კონსტიტუციით განსაზღვრულია როგორც დამოუკიდებელი ინსტიტუცია და, რომელიც მოწოდებულია იმისთვის, რომ ხელისუფლების ცდუნება მოახდინოს და მოახდინოს, რაც შეიძლება მეტი ძალაუფლების უზურპაცია და გასცდეს კონსტიტუციას. ეს მოაქციოს კონსტიტუციურ ჩარჩოებში და შეაკავოს ხელისუფლება,“ - განაცხადა ნინო გოგუაძემ.
გოგუაძის თქმით, უმრავლესობას ეჩქარება და ამის ძირითადი მიზეზი რუსთავი2-ია.
„ეჩქარებათ რუსთავი2-ის გამო. საერთოდ ასეთ უკანონო კანონებს კარგი საქმისთვის არ იყენებენ ხოლმე,“ - განაცხადა ნინო გოგუაძემ.
მისი თქმით, თავისუფლი დემოკრატები აპირებენ, თხოვნით მიმართონ პრეზიდენტს, რომ აღნიშნულ კანონპროექტს ვეტო დაადოს.
