28 აპრილი სამუშაო ადგილზე დაღუპულთა და დაშავებულთა ხსოვნის საერთაშორისო დღეა.

დასაქმებულთა უსაფრთხო და ღირსეული შრომის პირობებისთვის ბრძოლას მრავალი პროფკავშირული აქტივისტი შეეწირა. მათ შორის 1881 წლის 1 მაისს ჩიკაგოში.

საქართველოს პროფკავშირების გაერთიანება ეხმიანება ამ ორ მნიშვნელოვან მოვლენას და ტრადიციულად, საპროტესტო აქციით აღნიშნავს.  საპრტოესტო აქციაზე დასაქმებულები ხელისუფლებისგან რეალური, ქმედითი შრომის ინსპექციის შექმნას მოითხოვენ, რომელმაც უნდა გააკონტროლოს შრომის უსაფრთხოების, სამუშაო ადგილზე ჯანმრთელობის დაცვის და შრომის სამართლიანი პირობების შესრულება დამსაქმებელთა მხრიდან.

პროფკავშირების წარმომადგენლები, 28 აპრილს,  11:00 საათზე, თბილისში, საქართველოს პარლამენტის შენობასთან შეიკრიბებიან და საზოგადოებას შეახსენებენ იმ უბედური შემთხვევების შემაძრწუნებელ სტატისტიკას, რომელიც ბოლო წლების განმავლობაში ჩვენს ქვეყანაში დაფიქსირდა. საუბარია სამუშაო ადგილზე ასობით დაღუპულსა და მძიმედ დაშავებულზე, ასევე იმ აუცილებელ პრევენციულ ღონისზიებებზე, რომელიც მთავრობამ უნდა მიიღოს.

საქართველოს პროფესიული კავშირების გაერთიანებისა და შინაგან საქმეთა სამინისტროსერთობლივიმონაცემებით 2007-2015 წლებში ქვეყნის მასშტაბით საწარმოო ტრავმებისგან 356 დასაქმებულიდაიღუპა და 642 მძიმედ დაშავდა, მხოლოდ 2015 წელს გარდაიცვალა 42 და მძიმედ დაშავდა 80 ადამიანი.უნდააღინიშნოს, რომ ეს ოფიციალური სტატისტიკა არ ასახავს სრულ სურათს, რადგან საწარმოოშემთხვევებისშედეგად გარდაცვლილთა და დაშავებულთა რიცხვი ბევრად მეტია და მას შრომის კომპეტენტური ორგანო უნდა აღრიცხავდეს. ასეთი ორგანო მსოფლიოს ცივილიზებულ ქვეყნებში შრომის ინსპექციაა, რომელიც საქართველოში მიუხედავად ორწლიანი ფორმალური არსებობისა - კვლავაც უფუნციო და არაეფექტურია.

შესაბამისად, საქართველოს პროფკავშირები დასაქმებულთა უფლებების ცივილიზებული სამყაროს მსგავსად, საერთაშორისო სტანდარტების გათვალისწინებით მოითხოვს:

1) 8 საათიან გარანტირებულ სამუშაო დღეს;

2) ზეგანაკვეთური შრომის ანაზღაურების დისკრიმინაციული წესის შეცვლას;

3) დასაქმებული ქალების შრომითი უფლებების გაუმჯობესებას;

4) ახალგაზრდების დასაქმებას და მათი შრომითი უფლებების დაცვას;

5) უმუშევრობის შემწეობის დაწესებას;

 6) საწარმოო უბედური შემთხვევების დაზღვევის შესახებ კანონს;

7) პროფკავშირული აქტივისტების დევნის შეწყვეტას;