2 გარდაცვლილი, 10 დაშავებული - ერევანში ავტობუსი აფეთქდა
25 აპრილს, ერევანში ავტობუსი აფეთქდა. აფეთქება ქალაქის ცენტრში მოხდა.
აფეთქების შედეგად, 2 ადამიანი გარდაიცვალა, დაშავებულია 10-მდე მგზავრი.
Armenpress-ის ცნობით, ეროვნული პოლიციის ხელმძღვანელმა ვლადიმერ გასპარიანმა განაცხადა, რომ აფეთქება ავტობუსში მეორე რიგში სკამზე მოხდა. პოლიცია ცდილობს დაადგინოს იმ მგზავრის ვინაობა, რომელიც აღნიშნულ ადგილზე იჯდა.
