ვფიქრობ, რომ ჩვენ ცუდი სიურპრიზები არ უნდა გველოდეს, რადგან ჩვენი მხრიდან, რაც გასაკეთებელი იყო, გაკეთებულია, – ამის შესახებ იუსტიციის მინისტრმა თეა წულუკიანმა ბრიუსელში ევროპარლამენტის სამოქალაქო თავისუფლებათა, მართლმსაჯულებისა და საშინაო საქმეთა კომიტეტის სხდომაზე გამოთქმული მოსაზრებების შეფასებისას განაცხადა.

მისი თქმით, გამოსვლებში ჩანდა, რომ საქართველოს მიმართ პოზიტიურად არიან განწყობილი. „ყველა აღიარებს ერთხმად, რომ რეფორმები, რაც გასატარებელი იყო, გატარდა. დაისვა კითხვები იმ კანონებზე, რაც მივიღეთ, ანალიტიკურ სისტემაზე, მიგრაციის ნაკადების მართვაზე. ყველა კითხვაზე პასუხები არის პოზიტიური. მე ვფიქრობ, რომ ჩვენ ცუდი სიურპრიზები არ უნდა გველოდეს, რადგან ჩვენი მხრიდან, რაც გასაკეთებელი იყო, გაკეთებულია“, – განაცხადა წულუკიანმა.